Darr K kisi Se Chup Jata hai - Urdu Poetry

Urdu Poetry


Darr k kisi se chup jata hai jaisay saanp khizanay mein

Zar k zor pe zinda hain sab khaak k is weeranay mein

 

Jaisay rasm ada karty hon sheher'on ki aabadi mein

Subha ko ghar se dur nikal kr shaam ko wapis anay mein

 

Neelay rang mein doobi aankhain khuli parri theen sabzay per

Aks parra tha aasman ka shayad is paimanay mein

 

Dabi hui hai zair-e-zameen, ik dehshat gang sada'on ki

Bijli si kahin larz rahi hai kisi chupay te-khanay mein

 

Dil kuch aur bhi sard hua hai sham-e-sheher ki ronaq se

Kitni ziya be-sood gaee sheeshay k lafz jalany mein

 

Mein to 'Munir' aainey mein khud ko tak kar hairaan hua

Ye chehra kuch aur tarha tha pehlay kisi zamanay mein!

 

Poet : Munir Niazi

Add comment

Loading