Khaak urrti hai aankho'n mein - Faiz Ahmed Faiz

Kab tak dil ki khair mana'en, Kab tak rah dikhlao gay?

Kab tak chain ki mohlat do gay, Kab tak yaad na aao gay?

 

Beeta deed umeed ka mosam, Khaak urrti hai aankho'n mein

Kab bhejo gay dard ka baadal, Kab barkha barsao gay?

 

Ehd-e-wafa ya tark-e-muhabbat, Jo chaho so aap karo

Apny bus ki baat hi kia hai, hum se kia manwao gay. .

 

Kis ne wasl ka suraj dekha, Kis per hijr ki raat dhali

Gesu'on walay kon thy? kia thy? In ko kia jatlao gay?

 

'Faiz' Dilo'n k bhaag mein hai, Ghar bharna bhi, lut jana bhi

Tum us husn k lutf-o-karam per, kitny din itraao gay?

 

Add comment

Loading