Meray Sir-Bakaf Mujahid, Meray Sir-Shikan Sipahi...!

Tu Watan Ki Aabroo Hai,

Tu Watan Ka Hai Sahara,

Tu Hawaon Ka Hai Musafir,

Tu Samandaron Ka Raahi

 

Meray Sir-Bakaf Mujahid,Meray Sir-Shikan Sipahi,

 

Ye Tera Yaqeen-e-Mehkam,

Teri Himmaton Ki Jaan Hai,

Teray Baaz'uon Ki Kuwwat,

Teray Azm Ka Nishaan Hai,

Tu Hi Raahi, Tu Hi Manzil,


Tu Hi Meer-e-Karwaan Hai

Yeh Zameen Teri Zameen Hai,

Yeh Jahaan Tera Jahaan Hai,

Tu Watan Ka Paasban Hai,

Teray Hath Main Hai Shaahi,

 

Meray Sir-Bakaf Mujahid, Meray Sir-Shikan Sipahi,

Teri Ubr'uon Ki Junbish,

Teri Aankh Ka Ishaara,

Teri Dushmano Pe Aafat,

Teray Qehar Ka Ishaara,

Tu Watan Ki Aabroo Hai, 

Tu Watan Ka Hai Sahara,

Issi Aabroo Se Chamka,

Iss Dais Ka Sitaara

Yehi Baankpan Hai Tera,

Yehi Teri Kaj-Kalaai

 

Meray Sir-Bakaf  Mujahid, Meray Sir-Shikan Sipahi....!

 

 

 

 

 

 

 

 

 

Is Gulshan Hasti Main logo,,

Iss Gulshan Hasti Main Logo....!

Tum Phool Bano Ya Khaar Bano,

Duniya Main Rastay Do Hi Hain,

Ik Kufr Ka Ik Islaam Ka Hai,

Ya Kufr laga Lo Seeno Say,

Ya Deen Kay Pehray Daar Bano,

Islaam Ka Ya Tou Naam Na Lo,

Ya Jurrat Ka Mayaar Bano,

Ik Simt Giroh Firo'on Ka Hai,

Ik Simt Khuda Ka Lashkar Hai,

Tum Deen Kay Pehray Daar Bano,

Ya Firo'ono Kay Yaar Bano,

Yeh Zauq Tumhara Kitna Hai,

Yeh Faisla Ab Tou Hona Hai,

Ya Jhailo Aag Jahannum Ki,

Ya Jannat Kay Haqdaar Bano...!