Unka Nisha'n Koi Na Tha - Urdu Poetry

Naam Be-had Thy magar unka nisha'n koi na tha

Basti'an hi basti'an theen, paasba'n koi na tha

 

Khurram-o-Shadab chechray saabit-o-sayyar dil

Ek zamee'n aisi thi jis ka aasman koi na tha

 

Kia balaa kisham thi subho'n, shab'on k darmian

Aur mein in manzil'on per tha jahan koi na tha

 

Har maka'n ik raaz tha apny makeen'on k sabab

Rishta mery aur jin k darmia'n koi na tha

 

Tha wahan mojood koi baam-o-dar k us taraf

Par nagar mein is sadaa ka raazda'n koi na tha

 

Mein tery sapnay dekhu'n - Faiz Ahmed Faiz

Barkha barsey chat per, mein tery sapnay dekhu'n

Barf giray parbat per, mein tery sapnay dekhu'n

Subha ki neel pari, mein tery sapnay dekhu'n

Koyal dhoom machaye, mein tery sapnay dekhu'n

Aaye aur urr jaye, mein tery sapnay dekhu'n

Baagho'n mein pattay mehak'ain, mein tery sapnay dekhu'n

Shabnam k moti dehak'ain, mein tery sapnay dekhu'n

 

Is piyar mein koi dhoka hai

Tu naar nahi'n kuch aur hai shae

Warna kyun har ik samay. .

 

Mein tery sapnay dekhu'n!

Khaak urrti hai aankho'n mein - Faiz Ahmed Faiz

Kab tak dil ki khair mana'en, Kab tak rah dikhlao gay?

Kab tak chain ki mohlat do gay, Kab tak yaad na aao gay?

 

Beeta deed umeed ka mosam, Khaak urrti hai aankho'n mein

Kab bhejo gay dard ka baadal, Kab barkha barsao gay?

 

Ehd-e-wafa ya tark-e-muhabbat, Jo chaho so aap karo

Apny bus ki baat hi kia hai, hum se kia manwao gay. .

 

Kis ne wasl ka suraj dekha, Kis per hijr ki raat dhali

Gesu'on walay kon thy? kia thy? In ko kia jatlao gay?

 

'Faiz' Dilo'n k bhaag mein hai, Ghar bharna bhi, lut jana bhi

Tum us husn k lutf-o-karam per, kitny din itraao gay?

 

Mora piya mosey bolat nahi - Lyrics

Mora piya maanat nahi. .

 

Mora piya mosey bolat nahi

Dar jiya k kholat nahi

 

Mora piya mosey bolat nahi

 

Darpan dekhoon

Roop niharoon

Aur sona singhaar karoon

Phairay najariya

Baitha baairi

Kaisy akhiyan chaar karoon

Koi jatan ab, kaam na aavy

Usey kach sohat nahi

 

 

Mora piya mosey bolat nahi

 

Humri ik muskaan pe wo to

Apni jaan lutata tha

Jag bisra k aathon peheriya

Moray hi gun gaata tha

Bhaagai ka koi sotan ho ka

Mora kach bhawat nahi

 

Darr jiya k kholat nahi

Mora Piya Mosey Bolat Nahi. . !

Bus aik mafi hamari tauba - Best Urdu Poetry

Bus aik mafi hamari tauba, kabhi jo hum ab satain tum ko

Lo hath joray, Lo kaan pakray, Ab aur kaisy manain tum ko

 

Tumhary aatey hi is nagar se, humain raqaabat si ho gai hai

Mein ye sharakat bhi kaisy seh loun, K choo rahi hain hawain tum ko

 

Tum aaina ho aur sang-baari yahan k logo'n ka mashghala hai

Har aik pathar se dhaal ban kar, Bhala kahan tak bachain tum ko?

 

To kia tum ab tak hamari nazro'n k sab taqazo'n se bekhabar ho?

Humain muhabbat hai tum se 'Mohsin' Ab aur kaisy bataion tum ko

 

Batain tum ko bichartay wak labo'n ki larzish ka ki sabab tha

Suna tha wakt-e-qabooliyat hai, So de rahy thy duain tum ko. . !

Bisaat-e-Raqs - Urdu Ghazal by Faiz Ahmed Faiz

Urdu Ghazal


Bisaat-e-raqs pe sad sharq-o-gharab se sar-e-shaam

Damak raha hai teri dosti ka maah-e-tamaam

 

Chalak rahi hai tery husn-e-meherba'n ki sharaab

Bhara hua hai laba'lab har ik nigah ne jaam

 

galay mein tang tery harf-e-lutf ki baanh'ain

Pas-e-khyaal kahi'n sa'at-e-safar ka payaam

 

Abhi se yaad mein dhalny lagi hai sohbat-e-shab

Har aik roo-e-haseen ho chala hai baish haseen

 

Milay kuch aisay, judai yun huay k 'Faiz' ab k

Jo dil pe naqsh banay ga wo gul hai, Daagh nahi. . . !


Poet: Faiz Ahmed Faiz

Bisaat-e-Raqs - Urdu Ghazal by Faiz Ahmed Faiz

Urdu Ghazal


Bisaat-e-raqs pe sad sharq-o-gharab se sar-e-shaam

Damak raha hai teri dosti ka maah-e-tamaam

 

Chalak rahi hai tery husn-e-meherba'n ki sharaab

Bhara hua hai laba'lab har ik nigah ne jaam

 

galay mein tang tery harf-e-lutf ki baanh'ain

Pas-e-khyaal kahi'n sa'at-e-safar ka payaam

 

Abhi se yaad mein dhalny lagi hai sohbat-e-shab

Har aik roo-e-haseen ho chala hai baish haseen

 

Milay kuch aisay, judai yun huay k 'Faiz' ab k

Jo dil pe naqsh banay ga wo gul hai, Daagh nahi. . . !


Poet: Faiz Ahmed Faiz