CHALO AB MAAN JAO TUM

CHALO AB MAAN JAO TUM,,,

 

Bohat Anmol si Gharriyaan,

Bohat Nayab say Lamhay

 

Sitamgar Waqt k Panjay mein aa ker,

Kho Gaey Hum say

 

Bohat Ziddi Agar Ho Tum,

To Hum bhi hain Bohat Khud-Sar

 

Magar ik Baat Batlaoon,

Bicharr k Hum nay Kia Paaya

 

Teri Khushiaan Juda Hum say,

Meray Sapnay Khafa Mujh say

 

Teri Raatain bhi Sadiyon si,

Meray bhi Din nahi Kat-tay

 

Chalo ik Pal ko Sochain Hum,

k in Sub Raaigaan Baaton say

Aakhir Kia Mila Hum ko.¿??

 

"Chalo Ab Maan Jaao Tum"..!

 

 Tera Joban Ye Mujh say hy,

 Mera Jeevan Ye Tujh say hy

 

 Teri Muskan Mujh say hy,

Mera her Maan Tujh say hy

 

  "Chalo Ab Maan Jaao Tum"..!

 

Batao Kia K Likhain Tum Ko,

Batao kia likhain tum ko,

Keh lafzoon ka chunao bhi,

Bara dushwaar hota hai,

Jo tum ko jaan likhtay hain,

Wafain khoob rooti hain,

Humain aa ker ye kehti hain,

Ke tum apnay hi qatil ko,

Ab be jaan likhtay hoo?

Kabhi emaan likhtay ho,

Ye tum acha nahi kertay,

To phir ye sochtay hain hum,

Tumhain ab soog likhtay hain,

Koi mustaqil sa roog likhtay hain,

Soog ko mananay main,

Roog ko bhulanay main,

Umer beet jati hai,

Roog denay waloon ko,

loog bhool jatay hian,

Bhool janay waloon ka,

soog too nahi hota,

Apnay na karda gunahoon ki,

Koi saza likhain…,

Batao tum ko kya likhain?

Batao kia likhain tum ko...!