SirF AiK LarKi Hoon..!

SirF AiK LarKi….

 

Apnay Sard Kamray Main

Main Udaas Bethi Hoon

Neem-Wa-Dareechon Say...

Num Hawaein Aati Hain

Merey Jism Ko Chhuu Kar

Aag See Lagati Hain

Tera Naam Ley Ley Kar

Mujhko Gudgudati Hain

Kaash Merey Parr Hotay

Terey Paass Urr Aati

Kaash Main Hawaa Hoti

Tujh Ko Chhuu Kay Laut Aaati

Main Nahi Magar Kuch Bhi…!!

Sung Dil Rawajon Kay

Aahni Hisaron Main

Umarr Qaid Ki Mulzim

 

Sirf Aik Larki Hoon…!!!

 

Ye Jo Berukhi Hy Baja Nahi...!

Ye Jo Berukhi Hy Baja Nahi,Ye Adayen Kyon,Ye Ghuroor Kya?

Ye Guraiz Kis Liye Is Qadar,Ye Khafa Khafa Se Huzoor Kya?

 

Tjhe Yad Krna Mzaaq Tha,Tjhe Bhool Jana Azab Hai

Ye Saza Hai Jurm-e-Firaaq Ki, Mere Hafzey Ka Qasoor Kya?

 

Tere Saath Hai Jo Teri Ana,Mere Saath Mera Naseeb Hy

Mujhe Tujh Se Kesi Shikaytein,Tujhe Khud Pe Itna Ghuroor Kya?

 

Ye Tmhara Chehra Kitab Hai,Isy Parh Raha Hun Main Warq Warq

Zara Baat Saada Likha Karo,Ye Muhawron Ki Satoor Kya?

SaFar-E-WaFa

SaFar-E-WaFa ki rah main manzil jafa ki thi,

Kagaz ka ghar bna k bhi,

khwahish hawa ki thi,

Thi jugnuon k shehr main taron say dushmani,

Mashooq chaand tha aur tamana subha ki thi,

Tum ne tu ibadat ka tamasha bna diya,

Chahat namaz ki thi per aadat kaza ki thi,

Main ne to zindagi ko teray naam likha tha,

Shayd magr kuch aur hi marzi khuda ki thi,

Dard hi dena tha to pehly bta daitay,

Hum ko bhi azal say hi tamana saza ki thi.

Bohat Masroof Ho Shayad

Zamanay Bhar Kay Kaamon Mein

Bohat Masroof Ho Shayad

 

Humari Yaad Bhi Ab Tou

Tumhein Kam Kam Satati Hy

 

Humara Naam Bhi Aksar

Tumhein Ab Bhool Jata Hy

 

Tumhari Aankh Ko Ab Tou

Koi Sapna Nahi Dikhta

 

Tumhary Dil Ko Bhi Ab Tou

Koi Chehra Nahi Jachta

 

Tumhara Naam Lete Thay

Jo Har Saans Kay Humraah

 

Jisey Tum Dil Ki Har Dharkan

Ki Tarha Yaad Rakhty Thay

 

Usi Ko Bhool Jane Ka

YeHi Matlab Hua Na Phir?

 

Zamanay Bhar Kay Kaamon Mein

Bohat Masroof Ho Shayad ! ! !