Iss Sheher Main ShabKhoon

Iss Sheher Main Shab-Khoon Kay Aasaar Bohot Hain,

Hum Jaag Rahay Hain Is Liye Gunah-gaar Bohot Hain,

 

Dushman Ne Meri Pusht Pe Kyun Waar Kiya Hai??

Ye Rasm Nibhanay Ko Meray Yaar Bohot Hain,,

 

Har Morr Pe Mil Jaatay Hain Hamdard Hazaron

Shayad Meri Basti Main Adakaar Bohot Hain..!

Us Simt Chalay Ho Tou Bus Itna Usay Kehna..!

Us Simt Chalay Ho Tou Bus Itna Ussay Kehna,

Ab Koi Nahin Hain Harf-e-Tamanna Ussay Kehna,

 

Us Ne Hi Kaha Tha Tou Yaqeen Maine Kiya Tha,

Umeed Pe Qaim Hai Ye Duniya Ussay Kehna,

 

Duniya Tou Kisi Haal Main Jeenay Nahin Deti,

Chahat Nahin Hoti Kabhi Ruswa Ussay Kehna,

 

Zarkhaaiz Zameenain Kabhi Banjar Nahin Hoten,

Dariya Hi Badal Laitay Hain Rasta Ussay Kehna,

 

Kuch Log Safar Kay Liye Hotay Nahin Mauzoon,

Kuch Rastay Kat-tay Nahin Tanha Ussay Kehna...!

Meray Mazdoor Bachon Ko(Dua)

 

Meray Mazdoor Bachon Ko,

Ilm Se Door Bachon Ko,

Elahi Roshni Day Day,

Nai Ek Zindagi Day Day,

Inhain Tu Chaand Sa Kar Day,

Wafa Seenay Main Yoon Bhar Day,

Kay Apnay Mulk-o-Millat Ka,

Jahan Main Naam In Say Ho,

Elahi Cheen Lay Tu Gham,

Na Dekhi Jaain Aankhain Namm,

Khushi Ka Ek Sawera Day,.

Inhain Saaya Ghanaira Day,

Masaaib Door Rakh In Say,

Ye Sookhay Phool Se Bachay,

Sirf Hain Daikhtay Tujh Ko,

Teri Rahmat Bulatay Hain,

Khudaya Ilm Ki Duniya,

Main Inka Naam Tu Kar Day,

Inhe Yoon Mo'tbar Kar De,

Ghamon Say Paak-Tarr Kar De....!

*****AAMEEN.....!*****