Kabhi Tum Bhi Nazar Aao...!

Kabhi Tum Bhi Nazar Aao,

Subha Se Shaam Tak Hum Ko..!

 

Bohot Say Log Miltay Hain,

Nigahon Se Guzartay Hain,

Koi Andaaz Tum Jaisa,

Koi Hum-Naam Tum Jaisa,

Kisi Ki Aankhain Tum Jaisi,

Kisi Ki Baatain Tum Jaisi,

Magar Tum Hi Nahin Miltay,

Bohot Bechain Phirtay Hain,

Bohot Betaab Rehtay Hain,

Dua Ko Haath Uthtay Hain,

Dua Main Yehi Kehtay Hain,

Lagi Hai Bheer Logon Ki,

Magar Iss Bheer Main 'MOHSIN'

 

Kabhi Tum Bhi Nazar Aao,

Subha Se Shaam Tak Hum Ko...!

Mujh Pe Bharosa Nahin Ussay..!

Mujh Say Gilay Hain Mujh Pe Bharosa Nahi Ussay,

Yeh Soch Kar Hum Ne Bhi Tou Roka Nahin Ussay,

 

Wo Shakhs Kabhi Chaand Sitaron Se Ye Puchay,

Hai Konsi Wo Raat Jab Socha Nahin Ussay,

 

Alfaaz Teer Ban Kar Utartay Rahay Dil Main,

Suntay Rahay Chup Chaap Hi Toka Nahin Ussay,

 

'SAAGAR' yeh Muhabbat Nahin Asool-e-Wafa Hai,

Hum Jaan Tou Daingay Par Dhoka Nahin Ussay...!