Chalo Kuch Dair Hanstay Hain-'Hindi Shayari, Poetry Poems'

Chalo Kuch Dair Hanstay Hain...!

 

Muhabbat Par Inayat Par,,

Kay Be-Bunyaad Batain Hain,,

Sabhi Rishtay Sabhi Naatay,,

Zarurat Ki Hain Eejadain,,

Kahin Koi Nahin Marta

Kisi Kay Waastay Jaana

Kay Sub Hai Phaer Lafzon Ka,,

Hai Saara Khail Harfon Ka,,

Na Hai Mehboob Koi Bhi,,|

Sabhi Jumlay Se Kastay Hain,,

 

Chalo Kuch Dair Hanstay Hain..!

 

Usi Ko Yaad Kartay Hain,,

Jissay Hum Zeest Kehtay Hain,,

Kay lena Saans Bin Jis Kay,,

Humain Aik Jurm Lagta Tha,,

Kay Sang Jis Kay Har Ik Lamha,,

Khush-o-Khurram Guzarta Tha

Jisay Hum Zindagi Kehtay,,

Jisay Hum Shayari Kehtay,,

Ghazal Ka Qaafiya Tha Jo,,

Tha Jo Unwaan Nazmon Ka,,

Wo Lehja Jab Badalta Tha,,

Qayamat Khaiz Lagta Tha,,

Waqt Se Aagay Chalta Tha,,

Jo Saaya Ban Kay Rehta Tha,,

Juda Ab Us Kay Raastay Hain,,

 

Chalo Kuch Dair Rotay Hain...!

 

Chalo Kuch Dair Hanstay Hain...!

 

                                                                                      Given By : "Shara Jutt..!"

 

Faraib-e-Zaat Se Niklo...!

Faraib-e-Zatt Se Niklo, Jahan Kay Saanehy Dekho,

Haqiqat Munkashif Ho Gi, Kabhi To Ainay Dekho,

 

Wo Aik Ajnabi Jis Se, Taa'lluq Sarsari Sa Tha,

Hamaray Dil Main Hotay Hain, Ussi Kay Tazkaray Dekho,

 

Likha Hai Wakt Ne Ye Bhi, Ajab Apnay Muqaddar Main,

Palatna Hi Nahin Jisko, Ussi Kay Raastay Dekho,

 

Humain Samjho Na Khush Itna, Labon Ki Muskurahat Se,

Hamari Aankh Main Phaailay, Hazaron Haadsay Dekho,

 

Thakay Haaray Se Baithay Thay, Magar Teri Sada Sun Kar,

Shikasta Paa Chalay Aaye, Hamaray Hoslay Dekho...!

 

 

 

 

 

 

Goya Andaaz-e-Shahana Hai Ameeron Jaisa..!

Goya Andaaz-e-Shahana Hai Ameeron Jaisa,,

Meray Andar Ka Insaan Hai Magar Faqeeron Jaisa,,

 

Hum Ne Chehray Pe Saja Rakhi Hai Sheher Ki Ronaq,,

Meray Dil Ka Aalam Hai Veeran Jazeeron Jaisa,,,

 

Us Kay Ausaaf-o-Khasaail Ne Mujhay Jeet Liya,,

Meray Mureedon Main Tha Wo Shakhs Peeron Jaisa,,

 

Is Se Pehlay Thi Aseeri Bhi Rehaai Jaisi,,

Ab Kay Azaadi Main Hai Haal Aseeron Jaisa,,

 

Us Ko "MOHSIN" Ganwa Kay Hain Khasaaray Ab Tak,,

Wo Jo Ik Shakhs Tha Meray Sath Heeron Jaisa....!

 

 

                                                                                    Poet : "MOHSIN NAQVI"