Bol Hawa us Paar Zamanay Kaisay Hain-Mohsin Naqvi

Sad Picture (wind blowing)

 

Bol Hawa Us Paar Zamanay Kaise Hain,,?

Ujray Shehar Men Yaar Puranay Kaise Hain,,?

 

Chand Utarta Hai Ab Kis Kis Aangan Mein,,?

Kirno'n Se Mehroom Gharanay Kaisy Hain,,?

 

Lab Basta Darwazon Py Kia Beet Gai,,?

Galiyo'n Sy Mansoob Afsaney Kaise Hain,,?

 

Jin K Juhrmat Mien Shamien Dam Torr Gaeen,

Wo Pyary,Pagal,Parwanay Kaise Hain,,?

 

'MOHSIN' Hum To Khair Khabar Sy Bhi Guzar Gaye,

Apnay Rothay Yaar Na Janay Kaise Hain..

Dil Ne Tere Baray Main Pucha To Boht Roya

 

Dil Ne Tere Baray Main Pucha To Boht Roya

Wo Shakhs Jo Pathar Tha, Toota To Boht Roya

 

Main Dil Ki Judai K Unwaan Pe Barso'n Se

Chup Tha To Bht Chup Tha, Roya To Boht Roya

 

Ik Harf Tasalli Ka Ik Harf Muhabbat Ka

Khud Apny Liye Us Ne Likha To Boht Roya

 

Pehlay Bhi Shikasto'n Pe Khai Thi Shikasta'in

Lekin Wo To Tery Hatho'n Hara To Bht Roya

 

Jo Shakhs Na Roya Tha Kbhi Tapti Raaho'n Main

Deewar K Saaye Main Jo Betha To Boht Roya..!

Tujhe Ilm Hai Ae Tabib-e-Jan

 

Tujhe Ilm Hai Ae Tabib-e-Jan Tera Pyar Meri Hayat Hai

Main Mareez Hoon Tere Qurb Ka Mujhy Door Ja K Dawa Na De

 

Yahan Sab Andhair Parast Hain Yahan Roshni Ki Majaal Kya

Ye Chiragh Phir Bhi Chiragh Hai Koi Aaty Jaty Bhuja Na De

 

Tum Gaye Dino Mein Jo Sath Thy Mere Qalb-o-Jaan Ka Saboot Thy

Ye Bila-Waja Tera Rothna Meri Zindgi Ko Mita Na De

 

Tere Samnay Mere Hum-Nawa, Meri Dharkano'n Ki Bisaat Kya

Tera is Tarha Mujhay Bhoolna, Kahin Meri Umer Ghata Na De..!