Hum Aaj Bhi Hain Is Soch Mein Doobey Huay 'Mohsin'

Hum Aaj Bhi Hain Is Soch Mein Doobey Huay 'Mohsin'

Khud Say Kabhe Dunya Say Hain Roothey Huay 'Mohsin'

 

Dainay Kay Liye Us Ko, Jo Hum Nay Thay Sambhalay,

Woh Phool Kitaabon Main Hain Sookhey Huay 'Mohsin'

 

Woh Apni Jafaaon Main Kami Kuchh Tou Karain Aaj,

Ek Umer Hui Sheher Woh Chhoray Huey 'Mohsin'

 

Hum Ney Yeh Kaha Tha Kay Humein Pyar Hai Un Say

Hum Aaj Bhari Bazm Mein Jhootay Huay 'Mohsin'

 

Aaghosh Mein Un Ki Humain Rahat Jo Mili Hai

Hum Aaj Kuchh Ander Say Hain Tootey Huay 'Mohsin' ...!

Bahaar Rut Main Ujaar Rastay, Takka Karo Gay Tou Ro Paro Gay

Bahaar Rut Main Ujaar Rastay,

Takka Karo Gay Tou Ro Paro Gay.

Kisi Say Milnay Ko Jab Bhi 'Mohsin',

Saja Karo Gay Tou Ro Paro Gay.

 

Tumharay Waa'don Ne Yaar Mujh Ko,

Tabah Kiya Hai Kuch Is Tarha Say.

Kay Zindagi Main Jo Kabhi Kisi Se,

Daghaa Karo Gay Tou Ro Paro Gay.

 

Main Jaanta Hun Meri Muhabbat,

Ujaar De Gi Tumhain Bhi Aisay.

K Chaand Raaton Main Jab Kisi Se,

Mila Karo Gay Tou Ro Paro Gay.

 

Barasti Baarish Main Yaad Rakhna,

Tumhain Sataingi Meri Aankhain.

Kisi Wali K Mazaar Par Tum,

Dua Karo Gay Tou Ro Paro Gay....!

Aankhen khuli rahen gi to manzar b aain ge

Aankhen khuli rahen gi to manzar b aain ge

Zinda hai dil to aur sitamgar be aain ge,

 

Pehchaan lo tamaam faqeeron ke khadd o khaal

Kuch log shab ko bhais badal kar b aain ge,

 

Gehri khamosh jheel ke paani ko yun na chairr

Cheentay uray to teri qaba par b aain ge,

 

Khud ko chupa na sheesha garon ki dukaan main

Sheeshey chamak rahe hain to pathar b aain ge,

 

Mohsin abhi saba ki sakhawat pe khush na ho

Jhonkay yehi basoorat e sarr-sarr b aenge..***