Juda Jonay Kay Mosam Main.!

Juda Honay Kay Mosam Main Juda Hona Zaruri Tha

Na-Janay Kyun Kisi Ka Be-wafa Hona Zaruri Tha

 

Kisi Se Koi Bhi Shikwa Na Koi Bhi Shikayat Hai

Jo MEray Sath Chahat Main Hua, Hona Zaruri Tha

 

Bohot Nazdeek Thay Dil Is Liye Ab Dooriyan Bhi Hain

Dilon Kay Darmian Kuch Faasla Hona Zaruri Tha

 

Usay Bhi Dard Dainay Ka Bohot Hi Shauq Tha Shayad

Mujhay Bhi Dard-o-Gham Se Aashna Hona Zaruri Tha...!

TUm BhOol Gaye

TUm BhOol Gaye

wOh Khail jO tUm Ney Khaila Tha

Kya Yaad Nahi ?

Kya bhOol Gye ?

Us Khail Mein Aik KhilOna Tha

hUm lOg Usey Dil Kehtey hAin

Jab Khail Liya tO tOrr Diya

Aur tOrr Key tAnhA ChOr Diya

K mUddat Sey Yeh tAnhA hAi

Yeh Bhatak Gaya Andhairon Mein

Aur tUm KhUsh hO Ujaalon Mein

Yeh Pagal Tha Be-Chara

Ab Hansta hAi Aur Kehta hAi

 

Haan Yaad Nahii

tUm BhOol Gaye!

Mere Humsafar Abhi Soch Lay

Mujhe Yaad Koi Dua Nahin Mere Humsafar Abhi Soch Le,

Tu Meri Jabeen Pe Likha Nahin Mere Humsafar Abhi Soch Le,

 

Abhi Rasta Bhi Hai Dhool Main Abhi Faida Bhi Hai Bhool Main,

... Abhi Mujh Ko Tujh Se Gila Nahin Mere Humsafar Abhi Soch Le,

 

Main Janam Janam Se Naraz Hoon Main Janam Janam Se Udaas Hoon,

Main Khabi Bhi Khul Ke Hansa Nahin Mere Humsafar Abhi Soch Le,

 

Tu Hai Khwab Khwab Pukarta Meri Ankh Main Nahin Ashk Bhi,

Main Muddaton Se Jiya Nahin Mere Humsafar Abhi Soch Le,

 

Tujhe Khushbuoon Ki Hai Arzoo Tujhe Roshni Ki Hai Justujo,

Main Hawa Nahin Diyya Nahin Mere Humsafar Abhi Soch Le,

 

Tujhe Ansuoon Ka Pata Nahin Tujhe Ratjagon Ka Guman Nahin,

Tujhe Es Se Agay Pata Nahin Mere Humsafar Abhi Soch Le,

 

Kahin Chhoot Sakta Hai Darmiaan Na Zameen Mile Gi Na Asmaan,

Tujhe Rastay Ka Pata Nahin Mere Humsafar Abhi Soch Le,

 

Mujhe Dhoondta Hi Phire Ga Tu Na Jiye Ga Roz Maray Ga Tu,

Main Kabhi Bhi Ghar Pe Mila Nahin Mere Humsafar Abhi Soch Le,