Best Poetry Shayari! Muhabbato'n Main Har Ik Lamha Visaal Ho Ga, Ye Tah Hua Tha

Sad Man Walking| Sad Man Pictures| Sad

 

 

Muhabbato'n Main Har Ik Lamha Visaal Ho Ga, Ye Tah Hua Tha!

Bichar Kar Bhi Ik Dusray ka Khayaal ho Ga, Ye Tah Hua Tha!

 

Juda Huay Hain To Kia Hua Hai, Yehi To Dastoor-e-Zindagi Hai!

Koi Bhi Rut Ho Na Chahato'n Ko Zawal Ho Ga, Ye Tah Hua Tha!

 

Ye Kia K Saansain Ukharr Gaeen Hain Aghaaz Hi Se Yaaro!

Koi Thak K Na Raastay Main Nidhaal Ho Ga, Ye Tah Hua Tha!

 

Aao K Faizan-e-Kashtiyo'n Ko Jala Dain Gumnaam Sahilo'n Par!

K Ab Yahan Se Na Waapsi Ka Sawaal Ho Ga, Ye Tah Hua Tha!

 

Aj Phir Yaad Muhabbat Ki Khani Aai! (Best Muhabbat Shayari)

Muhabbat Poetry

 

Thehri Thehri Si Tabiyat Mein Rawani Aai,

Aaj Phir Yaad Muhabbat Ki Kahani Aai,

 

Aaj Phir Neend Ko Aankho'n Se Bichertay Dekha,

Aaj Phir Yaad Koi Chott Purani Aai,

 

Muddato'n Baad Chala Un Pe Hamara Jadu,

Muddato'n Baad Humain Baat Banani Aai,

 

Muddato'n Baad Pashemaa'n Hua Dariya Hum Per,

Muddato'n Baad Humain Piyaas Chupani Aai,

 

Muddato'n Baad Khuli Wus'at-e-Sehra Hum Per,

Muddato'n Baad Humain Khaak Urrani Aai,

 

Itni Aasani Se Milti Nahi Fun Ki Dolat,

Dhall Gai Umer To Ghazalo'n Per Jawani Aai. . . !

Khaak urrti hai aankho'n mein - Faiz Ahmed Faiz

Kab tak dil ki khair mana'en, Kab tak rah dikhlao gay?

Kab tak chain ki mohlat do gay, Kab tak yaad na aao gay?

 

Beeta deed umeed ka mosam, Khaak urrti hai aankho'n mein

Kab bhejo gay dard ka baadal, Kab barkha barsao gay?

 

Ehd-e-wafa ya tark-e-muhabbat, Jo chaho so aap karo

Apny bus ki baat hi kia hai, hum se kia manwao gay. .

 

Kis ne wasl ka suraj dekha, Kis per hijr ki raat dhali

Gesu'on walay kon thy? kia thy? In ko kia jatlao gay?

 

'Faiz' Dilo'n k bhaag mein hai, Ghar bharna bhi, lut jana bhi

Tum us husn k lutf-o-karam per, kitny din itraao gay?