Abhi Kuch Bhi Nahi Badla

Abhi Kuch Bhi Nahi Badla,

Darakhton Par wohi Mausam

Abhi Tak Muskuratay Hain

Abhi Tak Surmai Shaamain

Hamaray Saath Roti Hain

Abhi Tak Meri Aankhon Main

Tumharay Khuab Hanstay Hain

Bohot Se Saal Guzray Hain

Bohot Sa Wakt Beeta Hai

Meri Chahat Nahi Beeti

Meri Himmat Nahi Tooti

Abhi Kuch Bhi Nahi Badla

Agar Chaho

Agar Samjho

Meri Maano

To LAUT AAO....!

Juda Hi Humko Hona Hai,

Kisi B morr Ya Aglay parao par,

Juda Hi Humko Hona Hai,

To phir Aao...!

Yahin Apnay Aansuon Ko Alag Kar Lain

Ye Jitnay Zakhm Dil Par Hain

Idhr Meri Taraf Kar Do

K Tum aksar Ye Kehtay Thay

K Sab Meri Badolat Hain

Magar Thehro..!

Zara Thehro..!

Yahan Kuch Khuab Bhi Hongay

jo Mil K Hum Ne Dekhay Thay

Suhanay Khuab Tm Rakh Lo

Adhooray Sab Mujhay De Do

K Meri Youn Bhi Aadat Hai

Mujhay Tooti Hui Cheizon Se

Ik benaam Raghbat Hai...!

 

 

Aatish-e-ishq se seenay ko jalaya kyun tha,

Aatish-e-ishq se seenay ko jalaya kyun tha,

Tum ne ye rog jawani man lagaya kyun tha,,

 

Kyun liye phirtay ho ab duniya man pur-nam aankhen,

Piyar acha tha magar dil man basaya kyun tha,,

 

Jab bichhar jana he taqdeer man likh rakha tha,

Mere MOLA! Tu ne mujhe us se milaya kyun tha,,

 

Kese mumkin hai milay hijr ki raaton man sukoon,

Un ki yaadon ko sar-e-aam jagaya kyun tha,,

 

Jab k maloom tha rakhhtay han ghazab ka pathar dil,

Dil ka ehwal unhen sunaya kyun tha.........???