Jo Tum Ne Thaan Hi Li Hai- Heart Touchig Poetry

Jo tum ne Thhaan hi lii hai

hamaare dil se nikloge

to itnaa jaan lo pyaare

vafa ki siiRhioN par har qadam phaila hua

yeh aarzuuoN ka lahu zaaya' na jaayega!

samundar saamne hoga, agar saahil se nikloge!

 

 

sitaare, jin kii aaNkhoN ne hameN ik saath dekhaa hai,

gavaahii dene aayeNge!

puraane kaaghazoN ki balkoni se bahut se lafz jhaankeNge,

tumheiN vaapas bulaayeNge!

kaii vaade, fasaadii qarz_KhwahoN ki tarah raste meiN rokeNge

tumheiN daaman se pakReNge

tumhaari jaan khaayeNge!

 

 

Chhupa kar kis tarah chehra

bhari mehfil se nikloge?!

zara phir soch lo jaanaN,

nikal to jaayoge shaayad,

magar mushkil se nikloge!!

 

Sad hindi

Tumhain Jab Kabhi Milain Fursatain, Mery Dil Se bojh Utaar Do- Heart Touching Poetry

sad man

Heart Touching Poetry

Tumhain Jab Kabhi Milain Fursatain, Mery Dil Se bojh Utaar Do

Main Boht Dino Se Udaas Hun, Mujhay Koi Shaam Udhaar Do

 

Mujhy Apny Roop Ki Dhoop Do, K Chamak Sakain Mery Khadd-o-Khaal

Mujhy Apny Rang Main Rang Do, Mery Saary Zang Utaar Do

 

Kisi Aur Ko Mery Haal Se, Na Gharz Koi Na Waasta

Main Bikhar Gaya Hun Samait Lo, Main Bigarr Gaya Hun Sanwaar Do

 

Meri Wehshaton Ko Barha Diya Hai, Judaaiyon K Azaab Ne

Mere Dil Pe haath Rakho Zara, Meri Dharkano Ko Qaraar Do

 

Tumhain Subha Kaisi Lagi, Mere Khwahishon K Dayaar Ki

Jo Bhali Lagi Tou Yaheen Raho, Issay Chahaton Se Nikhaar Do..!

sad shayari