SirF AiK LarKi Hoon..!

SirF AiK LarKi….

 

Apnay Sard Kamray Main

Main Udaas Bethi Hoon

Neem-Wa-Dareechon Say...

Num Hawaein Aati Hain

Merey Jism Ko Chhuu Kar

Aag See Lagati Hain

Tera Naam Ley Ley Kar

Mujhko Gudgudati Hain

Kaash Merey Parr Hotay

Terey Paass Urr Aati

Kaash Main Hawaa Hoti

Tujh Ko Chhuu Kay Laut Aaati

Main Nahi Magar Kuch Bhi…!!

Sung Dil Rawajon Kay

Aahni Hisaron Main

Umarr Qaid Ki Mulzim

 

Sirf Aik Larki Hoon…!!!

 

SaFar-E-WaFa

SaFar-E-WaFa ki rah main manzil jafa ki thi,

Kagaz ka ghar bna k bhi,

khwahish hawa ki thi,

Thi jugnuon k shehr main taron say dushmani,

Mashooq chaand tha aur tamana subha ki thi,

Tum ne tu ibadat ka tamasha bna diya,

Chahat namaz ki thi per aadat kaza ki thi,

Main ne to zindagi ko teray naam likha tha,

Shayd magr kuch aur hi marzi khuda ki thi,

Dard hi dena tha to pehly bta daitay,

Hum ko bhi azal say hi tamana saza ki thi.

Wo Baharon Main Zara Kam Hi Mila Karta Hai

Jab Uska Dard Meray Sath Wafa Karta Hai,

Ik Samandar Meri Aankhon Say Baha Karta Hai,

 

Uski Baatain Mujhy Khushbu Ki Tarha Lagti Hain,

Phool Jaisay Koi Sehra Main Khila Karta Hai,

...

Meray Dost Ki Pehchaan Yehi Kafi Hai,

Wo Har Shakhs Ko Danista Khafa Karta Hai,

 

Jab Khizaa'n Aai Tou Lout Aye Ga Khud Hi Faraz,

Wo Baharon Main Zara Kam Hi Mila Karta Hai...

Muhabbat Kar To Li Hum Ne

Muhabbat Kar To Li Hum Ne,

Mohabbat Paa Nahi Saktay..

Bohat Kehnay Ki Khuwaish Hai,

Magar Bata Nahi Saktay..

Teri Baatainn, Teri Yaadein,

Humara Dil Dukhatay Hai.

Bohat Takleef Hoti Hai,

Tujhe Sunaa Nahi Saktay.

Teray Sath Chalna Hai,

Teri Manzil Bhi Banna Hai.

Bohat Thak Gaye Hain Hum,

Ab Aagay Ja Nahi Saktay.

Suno Hum Toot Jayenge.

Humain Kaisay Sametogay?

Kay Marr K Bi Meri JAAN.

Tujhe Bhula Nahi Saktay....