Baarishon K Mausam Main, Aao Sath Chaltay Hain!

 

Baarishon Kay Mausam Main,

Dil K Band Darwazay,

Khol Do To Behtar Hai,

Rooth Janay Walon ko,

Zindagi K Rastay Par,

Morr Lun To Behtar Hai!

Teri Meri Sab Raahain,

Aik Simt Nikalti Hain,

Phir Zindagi Ki Raahon Main,

Kis Tarhan Ye Mumkin Hai?

K Saamna Na Ho Paaye!

Tou,

Barishon K Mausam Main,

Tanha Tanha Chalne Se,

Youn Hi Bhegtay Rehne Se,

Sath Chalna Behtar Hai,

Sath Bheegna Behtr Hai!

So,

Barishon K Mausam Main,

Har Gilay Shikwe Ko,

Ab K Khatm Kartay Hain,

Aao Sath Chaltay Hain,

Aao Sath Chaltay Hain!

 

                                                                 Poet : "Asim Paracha"

Kabhi Milay Tou Ussay ye Kehna...!

Kabhi Milay Tou Ussay ye Kehna...!

 

Faseel-e-Nafrat Gira Raha Hun

Gaye dino Ko Bhula Raha Hun

Wo Apnay Waaday Se Phir Gaya Hai

Main Apnay Waaday Nibha Raha Hun

 

Kabhi Milay Tou Usay Ye Kehna

 

Na Dil Main Koi Malaal Rakhay

Hamesha Apna Khayal Rakhay

Wo Apnay Saaray Ghum Mujhay De De

Tamaam khushiyan Sambhaal Rakhay

 

Kabhi Milay Tou Ussay Ye Kehna...!

Kabhi Milay Tou Ussay Ye Kehna...!

Abhi Na Jao Chor Kar, K Dil Abhi Bhara Nahi

Abhi Na Jao Chor Kar,

K Dil Abhi Bhara Nahi,

 

Abhi Abhi Tou Aaye Ho,

Bahaar Ban K Chaaye Ho,

Hawa Zara Mehak To Lay,

Nazar Zara Behak To Lay,

Ye Shaam Dhal To Lay Zara,

Ye Dil Sambhal To Lay Zara,

Main Thori Dair Jee To loun,

Nashay K Ghoont Pee Tou Loun,

Abhi To Kuch Kaha Nahi,

Abhi To Kuch Suna Nahi,

Bura Na Mano Baat Ka,

Ye Pyar Hai Gila Nahi...!

 

Adhoori Aas Chor K

Adhoori Pyaas Chor K

Jo Roz Yunhi Jao Gay

To Kis Tarha Nibhao Gay

Jawaan Dilon Ki Chaah Main

Kaai Makaam Aaingay

Jo Hum Ko Aazmaingay..!

Bura Na Mano Baat Ka,

Ye Pyar Hai Gila Nahi...!

Nahin Nahin Nahin Nahin

K Dil Abhi Bhara Nahin..!

 

Abhi Na Jao Chor Kar

K Dil Abhi Bhara Nahi...!