Veerani Se Marr Jaain...!

 

 

 

Hamaray Khoon Kay Piyasay Pashay-maani Se Marr Jaain

Agar Hum Aik Din Apni Hi Nadaani Se Marr Jaain

 

Adoori Si Aik Nazar Kaafi Hai Iss Aaina Daari Par

Agar Hum Ghaur Se Daikhain Tou Hairaani Se Marr Jain

 

Aziyyat Say Janam Leti Sahoolat Raas Aati Hai

Koi Aisai Paray Mushkil Kay Aasani Se Marr Jaain

 

Agar Wehshat Ka yeh Aalam Raha Tou Aain Mumkin Hai

Sukoon Se Jeetay Jeetay Bhi Pareshaani Se Marr Jain

 

Bana Rakhi Hain Deewaron Pe Tasweerain Parindon Ki

Wagarna Hum Tou Apnay Ghar Ki Veeraani Se Marr Jaainv

Dil Ka Dard Kis Say Kahain..!

Dil Ka Dard Kis Se Kahain, Durr Tak Koi Nahin Sirf Raat Hai,

Tu Nahin Tera Saaya Nahin Aur Na Hi Teri Parchai Hai,

Lamba Safar Hai Zindagi Ka Aur Mein Tanha,

Chalna Toh Hai Phir Bhi, Akelay Hi Sahi,

Shaayad Yunhi Chaltay Chaltay, Zindagi Kay Kisi Morr Par

Mujhe Bhi Meri Manzil Mil Jaaye,

Shaayad Yunhi Chaltay Chaltay, Zindagi Kay Kisi Morr Par

Mujhe Bhi Koi Dost Mil Jaaye,

Main Rahoon Na Rahoon, Tu Udaas Na Hona Aye Dost,

Mere Saath Toh Koi Bhi Na Tha,

Tere Saath Toh Phir Bhi Tera Humsafar Hai,

Mere Jaanay Kay Baad Mehfil Mein Aansoon Na Bahana,

Main To Aaj Bhi Teri Dhadkano Me Zinda Hoon ,

Log Toh Dewaane Hai Jo Kehtay Hain Kay Main Nahin Raha,

Mera Aks Toh Wahin Hai Jahaan Kal Tha,

Jism Mit Gaya Hai Toh Kya Hua,

Main To Wahin Hoon Jahaan Kal Tha...!