Hum Aisi Muhabbat Kartay Hain..!

Hum Aisi Muhabbat Kartay Hain,

Tum Kaisi Muhabbat Karti Ho..!

 

Humain Thandak Raas Nahin Aati,

Humain Barsih Say Khauf Aata Hai,

Par Jab Say yeh Ma'aloom Hua,

Ye Mosam Tumko Bhaata Hai,

Ab Jab Bhi Saawan Aata Hai,

Baarsih Main Bheegtay Rehtay Hain,

 

Hum Aisi Muhabbat Kartay Hain,

Tum Kaisi Muhabbat Karti Ho..!

Baarishon K Mausam Main, Aao Sath Chaltay Hain!

 

Baarishon Kay Mausam Main,

Dil K Band Darwazay,

Khol Do To Behtar Hai,

Rooth Janay Walon ko,

Zindagi K Rastay Par,

Morr Lun To Behtar Hai!

Teri Meri Sab Raahain,

Aik Simt Nikalti Hain,

Phir Zindagi Ki Raahon Main,

Kis Tarhan Ye Mumkin Hai?

K Saamna Na Ho Paaye!

Tou,

Barishon K Mausam Main,

Tanha Tanha Chalne Se,

Youn Hi Bhegtay Rehne Se,

Sath Chalna Behtar Hai,

Sath Bheegna Behtr Hai!

So,

Barishon K Mausam Main,

Har Gilay Shikwe Ko,

Ab K Khatm Kartay Hain,

Aao Sath Chaltay Hain,

Aao Sath Chaltay Hain!

 

                                                                 Poet : "Asim Paracha"