Meray Mazdoor Bachon Ko(Dua)

 

Meray Mazdoor Bachon Ko,

Ilm Se Door Bachon Ko,

Elahi Roshni Day Day,

Nai Ek Zindagi Day Day,

Inhain Tu Chaand Sa Kar Day,

Wafa Seenay Main Yoon Bhar Day,

Kay Apnay Mulk-o-Millat Ka,

Jahan Main Naam In Say Ho,

Elahi Cheen Lay Tu Gham,

Na Dekhi Jaain Aankhain Namm,

Khushi Ka Ek Sawera Day,.

Inhain Saaya Ghanaira Day,

Masaaib Door Rakh In Say,

Ye Sookhay Phool Se Bachay,

Sirf Hain Daikhtay Tujh Ko,

Teri Rahmat Bulatay Hain,

Khudaya Ilm Ki Duniya,

Main Inka Naam Tu Kar Day,

Inhe Yoon Mo'tbar Kar De,

Ghamon Say Paak-Tarr Kar De....!

*****AAMEEN.....!*****


 

 

 

 

Ussi Masoom Bachpan Ko...!

Chalo Phir Dhoond Laitay Hain

Ussi Masoom Bachpan Ko

 

Unhi Masoom Khushiyon Ko

Unhi Rangeen Lamhon Ko

Jahan Ghum Ka pata Na Tha

Jahan Dukh Ki Samajh Na Thi

Jahan Bus Muskurahat Thi

Baharain Hi Baharain Theen

Kay Jab Sawan Barasta Tha

Tou Us Kaghaz Ki Kashti Ko

Banana Aur Dubo Dena,

Bohot Acha Sa Lagta Tha,

Aur Is Duniya Ka Har Chehra,

Bohot Sacha Sa Lagta Tha,

 

Chalo Phir Dhoond Laitay Hain,

Ussi Masoom Bachpan Ko..!

Aik masoom bacha- sad shayari

 

Aik masoom bacha

Meri gali ka

Kehnay laga mujh se

Dar lag raha hai

Nahi chahata main bada hona yahan par

Paraya paraya sa jag lag raha hai

 

Anhkon may uski vehshat jo dekhi

Pocha sabab mai ne paas bula kar

Aye masoom bachey

Kiyun dar rehay ho

Sitam ye kaisa khud pe kar rehay ho

 

Ankhon may bhar kar

Aansu wo apney

Bola ye mujh se

 

Dekha hai mai ne hasher in badon ka

Nikaltey hain ghar se

Sapney sajaye palkon pe apni

Magar sham dhaltey

Lout aatey hain

Liptay houaye aik be rang kafan may

Janey kahan chhor aatey hain

Sapnon ki doulat

Bataao mai kaisey

Karon phir tammana

Badey honey ki

Badey honey ki