New Year Poem- AYE NAYE SAAL BATA...!

 

Aye Naye Saal Bata Tujh Main Naya Kya Hai?

Har Taraf Khalq Ne Kyun Shor Macha Rakha Hai?

 

Roshni Din Ki Wohi, Taaron Bhari Raat Wohi

Aaj Hum Ko Nazar Aati Hai Har Baat Wohi

 

Aasman Badla Hai Na Badli Ye Afsurda Zameen

Aik Hindsay Ka Badal Jana Koi Jiddat Tou Nahin

 

Pichlay Barson Ki Tarha Hongay Qareenay Teray

Kisay Maloom Nahin 12 Maheenay Teray

 

Be-Sabab Daitay Hain kyun Log Mubarak-Badein

Kya Bhool Gaye Sab Wakt Ki Karrwi Yadain

 

 Tu Naya Hai Tou Dikha Subha Nayi, Shaam Nai

Warna In Aankhin Ne Dekhay Hain Naye Saal Kai....!

 

 

Hindi Shayari- Sunoo....~! Aay Chand Si Larki.......~ (urdu shayari)

Suno......Aay Chand Si Larki. . .!

Abhi Tum Titliyaan Pakro
Ya Phir Guriyon Say Kehlo Tum!

Ya Phir Massom Si Aankhon Say
Dhairon Khawab Dekho Tum
Faraz-o-Faiz-o-MOHSIN Ki
Kitaben Mat Abhi Parhna
Ye Sab Lafzon K Sahir Hain,
Tumhien Uljha Kay Rakh Daingay,

Tumhein Maloom Hi Kab Hai,
Mohabbat K Libaday Main,

Hawas Aur Hirs Hoti Hai,
Ye Insanon Ki Dunya Hai,

Magar In Say Kaheen Barh Kar,
Yahan Wehshi Darinday Hain,

Wo Wehshi Jin Ki Aankhon Main
Machaltay Piyar kay Peechay
Hawas aur Hirs Hoti Ha,

Abhi Kachi Kalii Ho Tum......
Abhi Kaanton Say Mat Khelo,

Abhi Apni Hatheli Par
Kisi Ka Naam Mat Likho,
Abhi Apni Kitaabon Main,
Gulaabi Phool Mat Rakho

Abhi Tum Titliyan Pakro
Abhi Guriyoun Say Khailo Tum...,

Sunoo....~! Aay Chand Si Larki.......~

Hindi Shayari- 'Bohot Hi Yaad Aatay Ho...!' love sms

Zara Thehro,, Chalay Jana..!

 

Mujhay Kuch Tumsay Kehna Hai,,

 

Zyada Wakt Nahin Loonga,,

 

Zara Si Baat Karni Hai,,

 

Na Gham Apnay Sunanay Hain,,

 

Na Koi Faryaad Karni Hai,,

 

Na Ye Maloom Karna Hai,,

 

K Ab Halaat Kaisay Hain,,

 

Tumharay Humsafar Jo Thay,,

 

Tumharay Sath Kaisay Hain,,

 

Na Ye Maloom Karna Hai,,

 

Teray Din Raat Kaisay Hain,,

 

Mujhay Bus Itna Kehna Hai,,

 

Mujhay Tum Yaad Aatay Ho,,

 

Bohot Hi Yaad Aatay Ho. . . !

Hindi Shayari- 'Agar Wo Pyar Kar Leta. . . '

Agar Wo Pyar Kar Leta,,

Mera Daman Pakar Leta,,

Tou Jeevan Main Faqat Us Say,,

Muhabbat Farz Ho Jati,,

Muhabbat Qarz Ho Jati,,

Magar Acha Kiya Us Ne,,

Mujhay Thukra Kay Chal Nikla,

Mujhay Samjha Kay Chal Nikla,

Bohot Nadaan Sa Hai Wo,

Abhi Anjaan Sa Hai Wo,,

Kahan Maloom Hai Usko,,

Muhabbat Zindgi Main Bus,,

Faqat Ik Baar Milti Hai,,

Agar Thukra Kay Chal Niklain,,

Tou Umrain Beet Jati Hain,,

Muhabbat Ki Tamanna Main,,

Magar Zindgi Kay Har Ik Ratsay Par,

Sirf Ruswaai Milti Hai,,

Faqat Tanhaai Milti Hai,,

MUHABBAT Phir Nahin Milti. . . !

Hindi Shayari-'Kuch To Hai, Tu Badal gya Hai'

"Kuch Tou Hai, Tu Badal Gaya Hai,"

 

Wo Teri Aankhon Kay Khwaab Saray,

Wo Baatain Sari, Hisaab Saaray,

Sawaal Saray, Jawaab Saray,

Wo Khushiyaan Saari, Azaab Saray,

Nasha Tha jo Wo Utar Gaya Hai

 

"Kuch Tou Hai, Tu Badal Gaya Hai"

 

Jo Teray Milnay Ki Aarzu Thi

Jo Tujh Ko Paanay Ki Justuju Thi,

Hui Jo Chahat Abhi Shuru Thi,

Jo Teri Aankhon Main Roshni Thi,

Jo Teri Baaton Main raagni Thi,

Jo Teri Saanson Main Taazgi Thi

Jo Teray Lehjay Main Chaashni Thi,

Wo Saara Meetha pighal Gaya Hai,

 

"Kuch Tou Hai Tu Badal Gaya Hai. . . !"