Hindi Shayari-Koi Marr Nahin Jata (urdu)

Sath Chalnay Walay Jab

Sath Chorr jatay Hain

 

Wakt Tham Nahin Jata

Koi Marr Nahin Jata

Koi Marr Bhi Jaye tou

Zindgi Nahin Rukti

Raaston Ko Chalna Hai

Rastay Tou Chaltay Hain

Yaar Dost Miltay Hain

Zakhm Aisay Siltay Hain

 

Gard Gard Lamhon Main

Umer Katt Hi Jati Hai

Kuch Musafiron Ko Bus

Manzilain Nahin Milteen...!

Hindi Shayari-WO AKSAR MUJH SE KEHTI THI (urdu)

WO AKSAR MUJH SE KEHTI THI

WAFA HAI ZAAT AURAT KI

 

Magr Jo Mard Hotay Hain

Bohot Bedard Hotay Hain

Kisi Bhanwray Ki Soorat

Gull Ki Khushbu Loot Jatay Hain

 

Suno..! Tumko Qasam Meri

Riwayat Torr Dena Tum..!

Na Tanha Chorr K Jana..!

Na Dil Ye Torr K Jana...!

 

Magar Phir youn Hua "MOHSIN"

Kisi Anjaan Rastay Par

Akela Chorr Kar Usne

Mera Dil Torr Kar Usne

Muhabbat Chorr Di Us Ne

 

WAFA HAI ZAAT AURAT KI

RIWAYAT TORR DI US NE...!

New Year Poem- AYE NAYE SAAL BATA...!

 

Aye Naye Saal Bata Tujh Main Naya Kya Hai?

Har Taraf Khalq Ne Kyun Shor Macha Rakha Hai?

 

Roshni Din Ki Wohi, Taaron Bhari Raat Wohi

Aaj Hum Ko Nazar Aati Hai Har Baat Wohi

 

Aasman Badla Hai Na Badli Ye Afsurda Zameen

Aik Hindsay Ka Badal Jana Koi Jiddat Tou Nahin

 

Pichlay Barson Ki Tarha Hongay Qareenay Teray

Kisay Maloom Nahin 12 Maheenay Teray

 

Be-Sabab Daitay Hain kyun Log Mubarak-Badein

Kya Bhool Gaye Sab Wakt Ki Karrwi Yadain

 

 Tu Naya Hai Tou Dikha Subha Nayi, Shaam Nai

Warna In Aankhin Ne Dekhay Hain Naye Saal Kai....!

 

 

Hindi Shayari- ' Kinara kar Liya Usne...!' (urdu)

Bohot Din Ho Gaye Shayad,,

Sahara Kar Liya Us Ne,,

Hamaray Baad Bhi Aakhir,,

Guzara Kar Liya Us Ne,,

 

Hamara Zikr Bhi Us K,,

Labon Pe Ab Nahin Aata,,

Humain Ehsas Hai Hum Se,,

Kinara Kar Liya us Ne,,

 

Wo Basti Ghair Ki Basti,,

Wo Koocha Ghair Ka Koocha,,

Suna Hai Ishq Bhi Ab Tou,,

Dobara Kar Liya Usne,,

 

Bhula Kar Pyar Ki Qasmain,,

Wo Waday Torr Kar 'MOHSIN',,

Kisi Ko Zindgi Se Bhi,,

Pyara Kar Liya Us Ne......! 

Hindi Shayari- Sunoo....~! Aay Chand Si Larki.......~ (urdu shayari)

Suno......Aay Chand Si Larki. . .!

Abhi Tum Titliyaan Pakro
Ya Phir Guriyon Say Kehlo Tum!

Ya Phir Massom Si Aankhon Say
Dhairon Khawab Dekho Tum
Faraz-o-Faiz-o-MOHSIN Ki
Kitaben Mat Abhi Parhna
Ye Sab Lafzon K Sahir Hain,
Tumhien Uljha Kay Rakh Daingay,

Tumhein Maloom Hi Kab Hai,
Mohabbat K Libaday Main,

Hawas Aur Hirs Hoti Hai,
Ye Insanon Ki Dunya Hai,

Magar In Say Kaheen Barh Kar,
Yahan Wehshi Darinday Hain,

Wo Wehshi Jin Ki Aankhon Main
Machaltay Piyar kay Peechay
Hawas aur Hirs Hoti Ha,

Abhi Kachi Kalii Ho Tum......
Abhi Kaanton Say Mat Khelo,

Abhi Apni Hatheli Par
Kisi Ka Naam Mat Likho,
Abhi Apni Kitaabon Main,
Gulaabi Phool Mat Rakho

Abhi Tum Titliyan Pakro
Abhi Guriyoun Say Khailo Tum...,

Sunoo....~! Aay Chand Si Larki.......~

Hindi Shayari-'Kuch To Hai, Tu Badal gya Hai'

"Kuch Tou Hai, Tu Badal Gaya Hai,"

 

Wo Teri Aankhon Kay Khwaab Saray,

Wo Baatain Sari, Hisaab Saaray,

Sawaal Saray, Jawaab Saray,

Wo Khushiyaan Saari, Azaab Saray,

Nasha Tha jo Wo Utar Gaya Hai

 

"Kuch Tou Hai, Tu Badal Gaya Hai"

 

Jo Teray Milnay Ki Aarzu Thi

Jo Tujh Ko Paanay Ki Justuju Thi,

Hui Jo Chahat Abhi Shuru Thi,

Jo Teri Aankhon Main Roshni Thi,

Jo Teri Baaton Main raagni Thi,

Jo Teri Saanson Main Taazgi Thi

Jo Teray Lehjay Main Chaashni Thi,

Wo Saara Meetha pighal Gaya Hai,

 

"Kuch Tou Hai Tu Badal Gaya Hai. . . !"

Tumhain Yaad hai Jaana...! Hindi shayari

Tumhain Yaad Hai Jaana...????

Guzishta Saal December Main

Issi Tarha Ka Mosam Tha

Jab Tum Ne Ye Kaha Tha Mujhsay

Chalo Hum Naam Badaltay Hain

Koi Achay Se Farzi Naam

Rakho Tum Apnay Aur Meray

Han Us Waqt Tumhari Baat

Maine Un-Suni Kardi

Magar Jab Se Lagi Thokar

Tou Ab Kuch Naam Zehan Main Aaye

Aaj Iss "December" Main

Wo Farzi Naam Rakhtay Hain

 

Mera Naam Aaj Se "Tanha"

                AUR

Tumhara Naam "Mosam" Hai

 

Kay Tanha Ana-Parast Thehra

 

Aur Mosam Be-Wafa Jaana...!

Chalo Kuch Dair Hanstay Hain-'Hindi Shayari, Poetry Poems'

Chalo Kuch Dair Hanstay Hain...!

 

Muhabbat Par Inayat Par,,

Kay Be-Bunyaad Batain Hain,,

Sabhi Rishtay Sabhi Naatay,,

Zarurat Ki Hain Eejadain,,

Kahin Koi Nahin Marta

Kisi Kay Waastay Jaana

Kay Sub Hai Phaer Lafzon Ka,,

Hai Saara Khail Harfon Ka,,

Na Hai Mehboob Koi Bhi,,|

Sabhi Jumlay Se Kastay Hain,,

 

Chalo Kuch Dair Hanstay Hain..!

 

Usi Ko Yaad Kartay Hain,,

Jissay Hum Zeest Kehtay Hain,,

Kay lena Saans Bin Jis Kay,,

Humain Aik Jurm Lagta Tha,,

Kay Sang Jis Kay Har Ik Lamha,,

Khush-o-Khurram Guzarta Tha

Jisay Hum Zindagi Kehtay,,

Jisay Hum Shayari Kehtay,,

Ghazal Ka Qaafiya Tha Jo,,

Tha Jo Unwaan Nazmon Ka,,

Wo Lehja Jab Badalta Tha,,

Qayamat Khaiz Lagta Tha,,

Waqt Se Aagay Chalta Tha,,

Jo Saaya Ban Kay Rehta Tha,,

Juda Ab Us Kay Raastay Hain,,

 

Chalo Kuch Dair Rotay Hain...!

 

Chalo Kuch Dair Hanstay Hain...!

 

                                                                                      Given By : "Shara Jutt..!"

 

Tu Bakhsh Day meray Sab Gunah...!

Teri Azmaton Se Hun Be-Khabar,,

Yeh Meri Nazar ka Qasoor Hai,,

Teri Rah-Guzar Main Qadam Qadam,,

Kahin Arsh Hai Kahin Toor Hai,,

Yeh Baja Hai Maalik-e-Do-Jahan,,

...."Meri Bandagi Main Qasoor Hai"....

Yeh Khataa Hai Meri Khataa Magar,,

Tera Naam Bhi Tou Ghafoor Hai,,

Yeh Bata Tujh Se Miloon Kahan??

Mujhay Tujh Say Milna Zaroor Hai,,

kahin Dil Ki Shart Na Daalna,,,

Abhi Dil Gunahon Se Choor Hai,,

Tu Bakhsh Day Meray SAb Gunah,,

Teri Zaat Hi Tou Ghafoor Hai..!