'Kaha Na Pyar hai Tum Say...!'

Kaha Na Pyaar Hai Tumsay..!

Tou Phir Kyun Zidd Tumhari Hai?

K Jab Bhi Main Miloon Tum Say,

Yehi Izhaar Ho Lab Pay,,

Mujhay Tumsay Muhabbat Hai,,

Tumhain Maloom Hai Jana,,

Muhabbat Tou muhabbat Hai,

Yeh Tou Aankhon Main Dikhti Hai,,

Haseen Se Khuaab Ki Surat,,

Issay Kehna Nahin Parta,,

Bohot Chup Chaap Jazba Hai,,

Dabbay Paon Hi Chalta Hai,,

Magar Jo Naqsh Iskay Hain,,

Bohot Hi Gehray Hotay Hain,,

Unhain Kehna Nahin Parta,,

Magar Izhaar hota Hai,,

Kabhi Baaton Ki Khushbu Say,,

Kabhi Aankhon Ki Shokhi Say,,

Tou Phir Kyun Zidd Tumhari Hai,,

Kay Jab Main Miloon Tumsay,,

Yehi Izhaar Ho Labb Pay,,

Mujhay Tumsay muhabbat Hai,,

Magar Tum Jaanti Ho Na,,

Tumhari Baat Ko Jaana,,

Nahin Main Taal Sakta Hun,,

Chalo Main Tumsay Kehta Hun,,,

Mujhay Tumsay Muhabbat Hai. . . .!

 

Hindi Shayari- 'Agar Wo Pyar Kar Leta. . . '

Agar Wo Pyar Kar Leta,,

Mera Daman Pakar Leta,,

Tou Jeevan Main Faqat Us Say,,

Muhabbat Farz Ho Jati,,

Muhabbat Qarz Ho Jati,,

Magar Acha Kiya Us Ne,,

Mujhay Thukra Kay Chal Nikla,

Mujhay Samjha Kay Chal Nikla,

Bohot Nadaan Sa Hai Wo,

Abhi Anjaan Sa Hai Wo,,

Kahan Maloom Hai Usko,,

Muhabbat Zindgi Main Bus,,

Faqat Ik Baar Milti Hai,,

Agar Thukra Kay Chal Niklain,,

Tou Umrain Beet Jati Hain,,

Muhabbat Ki Tamanna Main,,

Magar Zindgi Kay Har Ik Ratsay Par,

Sirf Ruswaai Milti Hai,,

Faqat Tanhaai Milti Hai,,

MUHABBAT Phir Nahin Milti. . . !

Hindi Shayari-'Kuch To Hai, Tu Badal gya Hai'

"Kuch Tou Hai, Tu Badal Gaya Hai,"

 

Wo Teri Aankhon Kay Khwaab Saray,

Wo Baatain Sari, Hisaab Saaray,

Sawaal Saray, Jawaab Saray,

Wo Khushiyaan Saari, Azaab Saray,

Nasha Tha jo Wo Utar Gaya Hai

 

"Kuch Tou Hai, Tu Badal Gaya Hai"

 

Jo Teray Milnay Ki Aarzu Thi

Jo Tujh Ko Paanay Ki Justuju Thi,

Hui Jo Chahat Abhi Shuru Thi,

Jo Teri Aankhon Main Roshni Thi,

Jo Teri Baaton Main raagni Thi,

Jo Teri Saanson Main Taazgi Thi

Jo Teray Lehjay Main Chaashni Thi,

Wo Saara Meetha pighal Gaya Hai,

 

"Kuch Tou Hai Tu Badal Gaya Hai. . . !"