Bisaat-e-Raqs - Urdu Ghazal by Faiz Ahmed Faiz

Urdu Ghazal


Bisaat-e-raqs pe sad sharq-o-gharab se sar-e-shaam

Damak raha hai teri dosti ka maah-e-tamaam

 

Chalak rahi hai tery husn-e-meherba'n ki sharaab

Bhara hua hai laba'lab har ik nigah ne jaam

 

galay mein tang tery harf-e-lutf ki baanh'ain

Pas-e-khyaal kahi'n sa'at-e-safar ka payaam

 

Abhi se yaad mein dhalny lagi hai sohbat-e-shab

Har aik roo-e-haseen ho chala hai baish haseen

 

Milay kuch aisay, judai yun huay k 'Faiz' ab k

Jo dil pe naqsh banay ga wo gul hai, Daagh nahi. . . !


Poet: Faiz Ahmed Faiz

Baat Bus Se Nikal Chuki Hai - Urdu Ghazal

Urdu Ghazal


Baat bus se nikal chuki hai

Dil ki haalat sambhal chuki hai

 

Ab junoon had se barh chala hai

Ab tabi'at behel chuki hai

 

Ashk khoon'naab ho chukay hain

Ghum ki rangat badal chuki hai

 

Ya yunhi bujh rahi hain sham'en

Ya shab-e-hijr tal chuki hai

 

Laakh paighaam ho gaye hain

Jab saba aik pal chali hai

 

Jao ab so raho sitaro

Dard ki raat dhal chuki hai.

 

Poet : Faiz Ahmed Faiz

Nida-e-Ghaib - Urdu Poetry By Faiz Ahmed Faiz

Urdu Poetry

 

Har ik ool-il-amar ko sadaa do. .

 

K apni fard-e-amal sambhalay. .

 

Uthay ga jab jama-e-sir farosha'n. .

 

Paraingy daar-o-rasann k laalay. .

 

Koi na ho ga k jo bacha lay. .

 

Jaza Saza sab yahi'n pe ho gi. .

 

Yahi'n azab-o-sawab ho ga. .

 

Yahi'n se uthay ga shor-e-mehshar. .

 

Yahi'n pe roz-e-hisaab ho ga. . . !


Faiz Ahmed Faiz Poetry

Ae Roshni'on K Sheher (Karachi) - Urdu Poetry by Faiz Ahmed Faiz

Sabza Sabza, Sookh Rahi hai pheeki, zard dopeher

Deewaro'n ko chaat raha hai tanhai ka zeher

Door ufaq tak ghat'ti, uthti, girit rehti hai

kohar ki soorat be-ronaq dardo'n ki gadli leher

basta hai is koher k peechay roshniyo'n ka sheher

 

Ae roshni'on k sheher!

 

kon kahay kis samt hai teri roshni'on ki raah

Har janib be-noor kharri hai hijr ki sheher-e-panah

Thak kar har soo beth rahi hai shauq ki manid sipah

 

Aaj mera dil fikr mein hai

Ae roshni'on k sheher!

 

Shab khoo'n se munh pher na jaye armaano'n ki ro

khair ho teri lailao'n ki, in sab se kah do

Aaj ki shab jab diye jala'in, oonchi rakhain lau. .!

 

Ae roshniyo'n k sheher. . !

Bus aik mafi hamari tauba - Best Urdu Poetry

 

Bus aik mafi hamari tauba, kabhi jo hum ab satain tum ko

Lo hath joray, Lo kaan pakray, Ab aur kaisy manain tum ko

 

Tumhary aatey hi is nagar se, humain raqaabat si ho gai hai

Mein ye sharakat bhi kaisy seh loun, K choo rahi hain hawain tum ko

 

Tum aaina ho aur sang-baari yahan k logo'n ka mashghala hai

Har aik pathar se dhaal ban kar, Bhala kahan tak bachain tum ko?

 

To kia tum ab tak hamari nazro'n k sab taqazo'n se bekhabar ho?

Humain muhabbat hai tum se 'Mohsin' Ab aur kaisy bataion tum ko

 

Batain tum ko bichartay wak labo'n ki larzish ka ki sabab tha

Suna tha wakt-e-qabooliyat hai, So de rahy thy duain tum ko. . !

Suno! Tum ne kabhi saahil pe bikhri rait dekhi hai? - Heart Touching Poetry!

Urdu Poetry

 

Suno!

Tum ne kabhi saahil pe bikhri rait dekhi hai?

Samander saath behta hai

Magar us k muqaddar mein

Hamesha piyas rehti hai. .

 

Suno!

Tum ne kabhi sehra mein jalty pairr dekhy hain?

Sabhi ko chao'n dety hain

Magr un ko

Silay mein dhoop milti hai. .

 

Suno!

Tum ne kabhi shaakh'on se bichrtey phool daikhy hain?

Wo khushbu baant dety hain

Bikhar jany talak lekin,

Hawa ka saath dety hain. .

 

Suno!

Tum ne kabhi mailay mein bajty dhol dekhy hain?

Boht hi shor karty hain

Magar ander se khaali hain

Yehi apna fasana hai

Yehi Apni Paheli hai. . !