Kis Se Teri Guftugu Karain - Faiz Ahmed Faiz Poetry

Urdu Poetry


Sharh-e-firaaq, madh-e-lab-e-mushkboo karain

Ghurbat kaday mein kis se teri guftugu karain

 

Yaar aashna nahi koi, takrain kis se jaam

Kis dil ruba k naam pe khaali sabu karain

 

Seeny pe hath hai, na nazar ko talash-e-baam

Dil sath de tou aaj Ghum-e-aarzu karain

 

kab tak sunay gi raat, kahan tak sunai'n hum?

Shikway gilay sab aaj tery ru-baroo karain

 

"Tar damani pe shaikh, hamari na jaaiyo!"

"Daaman nichorr dain to farishty wuzu karain"


Poet : Faiz Ahmed Faiz

 

Ishq mein tery koh-e-ghum(Lyrics) - Sufi Poetry by Abida Parveen

Sufi Poetry

 

Ishq mein tery koh-e-ghum, Sir pe liya jo ho so ho

Aish-o-nishaat-e-zindagi, Chorr diya jo ho so

 

Aqal k madrassay se uth, Ishq k mae-kaday mein aa

Jaam-e-fana-o-be-khudi ab to piya jo ho so ho

 

Hijr ki jo museebatain, Arz keen us k roobaroo

Naaz-o-adaa se muskura, Kehny laga jo ho so ho

 

Hasti k iss saraab mein, Raat ki raat bas rahay

Subh-e-adam hua namood, Paaon utha jo ho so ho

Nisaar Mein Teri Galiyo'n K Ae Watan - Urdu Poetry

Urdu Poetry


Nisaar mein teri galiyo'n k ae watan k jahan

Chali hai rasm k koi na sir utha k chalay

Jo koi chahnay wala tawaaf ko nikley

Nazar chura k chalay, jism-o-jaan bacha k chalay

 

Yunhi hamesha ulajhti rahi hai zulm se khalq

Na un ki rasm nae hai, na apni reet nae

Yunhi hamesha khilaye hain hum ne aag mein phool

Na unki haar nae hai, na aoni jeet nae

 

Gar aaj tujh se juda hain to kal ba'ham hongy

Ye raat bhar ki judai to koi baat nahi

Gar aaj aouj pe hai taal-e-raqeeb to kia

Ye chaar din ki khudai to koi baat nahi

 

Isi sabab se falak ka gila nahi karty

Tery firaaq mein hum dil bura nahi karty

 

Poet : Faiz Ahmed Faiz

Best of Faiz Ahmed Faiz - Urdu Poetry

Best of Faiz Ahmed Faiz


Be dam huay beemar, dawa kyun nahi daitay?

Tum achay maseeha ho shifa kyun nahi daitay?

 

Mitt jaye gi makhlooq tou insaaf karo gay?

Munsif ho to ab hashr utha kyun nahi daity?

 

Paiman-e-junoon hatho'n ko sharmaye ga kab tk?

Dil walo! gireba'n ka pata kyun nahi daity?

 

Barbadi-e-Dil jabr nahi 'Faiz' kisi ka

Wo dushman-e-jaan hai to bhula kyun nahi daity?. . .

Anjaam Bhi Dekho Gay? - Urdu Poetry

Urdu Poetry


Pindaar k khoo-gar ko

Nakaam bhi dekho gay?

Aaghaz se waakif ho

Anjaam bhi dekho gay ?

 

Rangeeni-e-duniya se

Mayus sa ho jana

Dukhta hua dil le kar

Tanhai mein kho jana

 

Tarsi hui nazro'n ko

hasrat se jhuka lena

Faryaad k tukro'n ko

Aanho'n mein chupa lena

 

Raato'n ki khamoshi mein

Chup kr kbhi ro lena

Majboor jawani k

Malboos ko dho lena

 

Jazbaat ki wus'at ko

Sajdo'n se basa lena

Bhooli hui yaado'n ko

Seenay se laga lena!

 

Urdu Ghazal

Poet : Faiz Ahmed Faiz

Bisaat-e-Raqs - Urdu Ghazal by Faiz Ahmed Faiz

Urdu Ghazal


Bisaat-e-raqs pe sad sharq-o-gharab se sar-e-shaam

Damak raha hai teri dosti ka maah-e-tamaam

 

Chalak rahi hai tery husn-e-meherba'n ki sharaab

Bhara hua hai laba'lab har ik nigah ne jaam

 

galay mein tang tery harf-e-lutf ki baanh'ain

Pas-e-khyaal kahi'n sa'at-e-safar ka payaam

 

Abhi se yaad mein dhalny lagi hai sohbat-e-shab

Har aik roo-e-haseen ho chala hai baish haseen

 

Milay kuch aisay, judai yun huay k 'Faiz' ab k

Jo dil pe naqsh banay ga wo gul hai, Daagh nahi. . . !


Poet: Faiz Ahmed Faiz