Mora piya mosey bolat nahi - Lyrics

Mora piya maanat nahi. .

 

Mora piya mosey bolat nahi

Dar jiya k kholat nahi

 

Mora piya mosey bolat nahi

 

Darpan dekhoon

Roop niharoon

Aur sona singhaar karoon

Phairay najariya

Baitha baairi

Kaisy akhiyan chaar karoon

Koi jatan ab, kaam na aavy

Usey kach sohat nahi

 

 

Mora piya mosey bolat nahi

 

Humri ik muskaan pe wo to

Apni jaan lutata tha

Jag bisra k aathon peheriya

Moray hi gun gaata tha

Bhaagai ka koi sotan ho ka

Mora kach bhawat nahi

 

Darr jiya k kholat nahi

Mora Piya Mosey Bolat Nahi. . !

Bus aik mafi hamari tauba - Best Urdu Poetry

Bus aik mafi hamari tauba, kabhi jo hum ab satain tum ko

Lo hath joray, Lo kaan pakray, Ab aur kaisy manain tum ko

 

Tumhary aatey hi is nagar se, humain raqaabat si ho gai hai

Mein ye sharakat bhi kaisy seh loun, K choo rahi hain hawain tum ko

 

Tum aaina ho aur sang-baari yahan k logo'n ka mashghala hai

Har aik pathar se dhaal ban kar, Bhala kahan tak bachain tum ko?

 

To kia tum ab tak hamari nazro'n k sab taqazo'n se bekhabar ho?

Humain muhabbat hai tum se 'Mohsin' Ab aur kaisy bataion tum ko

 

Batain tum ko bichartay wak labo'n ki larzish ka ki sabab tha

Suna tha wakt-e-qabooliyat hai, So de rahy thy duain tum ko. . !

Meri Sari Zindagi Ko - Urdu Ghazal

Urdu Ghazal


Meri sari zindagi ko be-samar uss ne kiya

Umer meri thi magr us ko basar uss ne kiya

 

Mein boht kamzor tha iss mulk mein hijrat k ba'ad

Per mujhy iss mulk mein kamzor-tar us ne kiya

 

Rahber mera bana gumrah karny k liye

Mujh ko seedhy rastay se dar-badar uss ne kiya

 

Sheher Mein Wo Mo'tabar meri gawahi se hua

Phir mujhy sheher bhar mein na-mo'tabar uss ne kiya

 

Sheher ko barbaad kar k rakh diya us ne 'Munir'

Sheher per ye zulm mery naam per, uss ne kiya!

 

Poet : "Munir Niazi"

 

Be-Khayali Mein Yunhi Bus - Urdu Ghazal

Urdu Ghazal


Be-khayali mein yunhi bus ik irada kar liya

Apny dil k shauq ko hadd se ziada kar liya

 

Jantay thy dono'n hum is ko nibha sakty nahi

Us ne waada kar liye, meine bhi waada kar liya

 

Ghair se nafrat jo paali kharch khud per ho gai

Jitny hum thy hum ne khud ko us se aadha kar liya

 

Aik aisa shakhs banta ja raha hun mein 'Munir'

Jis ne khud per band husn-o-baada kar liya

 

Poet : "Munir Niazi"

 

Tu Gar Meri Bhi Ho Jaye - Urdu Ghazal

 Urdu Ghazal


Tu gar meri bhi ho jaye

Duniya k ghum yunhi rahaingy

Paap k phandey, zulm k bandhan

Apny kahay se katt na sakaingy

 

Ghum her haalat mein mohlik hai

Apna ho ya kisi aur ka

Rona dhona, gee ko jalana

Yun bhi hamara, yun bhi hamara

 

Kyun na jahan ka ghum apnaa lein?

Baad mein sab tadbeer'ain soch'ain

Baad mein sukh k sapney dekhain

Sapno'n ki tadbeer'ain soch'ain. !

 

Poet : Faiz Ahmed Faiz

Aa K Wabasta Hain Us Husn - Urdu Poetry

 Urdu Poetry


Aa k wabasta hain us husn ki yaadain tujh se

jis ne is dil ko pari khaana bana rakha tha

 

Jis ki ulfat mein bhula rakhi thi duniya hum ne

Deher ko deher ka afsana bana rakha tha

 

Aashna hai tery qadmo'n se wo raah'ain jin per

Us ki madhosh jawani ne enayat ki hai

 

Kaarwan guzry hain jin se usi raa'nai k

Jis ki in aankho'n ne be-sood ibadat ki hai!

 

Poet : Faiz Ahmed Faiz